منتديات الدنديطي للابد
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات الدنديطي للابد

اقوى منتدى عربى على الانترنت
 
الرئيسيةأحدث الصورالتسجيلدخول
dr:mohamed ashraf eldondity
ahmed ashraf eldondity

 

 خواطر رمضانية

اذهب الى الأسفل 
كاتب الموضوعرسالة
dr:mohamed eldondity
المدير
المدير
dr:mohamed eldondity


عدد المساهمات : 145
نقاط : 444
تاريخ التسجيل : 11/08/2009

خواطر رمضانية Empty
مُساهمةموضوع: خواطر رمضانية   خواطر رمضانية Emptyالجمعة أغسطس 21, 2009 10:46 am

اخر خطوة قبل رمضان

التوبة وبداية جديدة مع ربنا



دي آخر وصية قبل بداية رمضان وأتمنى من الله أن يكون تقبل منا العمل في الأيام القليلة الماضية ونكون استعدينا أفضل من السنين إلي قبل كده... فمن وفق فليحمد لله وإلي حاسس إنه لسه فرمضان لسه هيبدأ وده هو السباق إلي كل واحد كان مستانيه... والسوق إلي كل واحد فيه ممكن ياخد منه بضاعة ببلاش على قد ما يقدر يشيل... البضاعة دي هي الحسنات... كل حاجة اتفقنا عليها محتاجين نعملها بمنهجية شديدة في الأيام المقبلة ويكون لينا جدول نمشي عليه، علشان ما يقعش منا حاجة مهمة زي الدعاء أو الاستغفار أو صلة الرحم أو مساعدة الفقير والصدقات...
بس عارفين إحنا محتاجين إيه أوي انهارده في آخر ليلة قبل رمضان... محتاجين إن ربنا يتوب علينا... أصله لو تاب علينا ربنا هيوفقنا إن إحنا نتوب

((ثم تاب الله عليهم ليتوبوا))



طب يعني إيه نتوب ونتوب من إيه؟

فاكرين رمضان إلي فات... من بعده عملنا كام حاجة غلط أو حرام... مش السيئات دي محتاجين إن ربنا يغرفها قبل ما نبدأ رمضان... طب بلاش المعاصي، عدم اهتمامنا بربنا ودينه ودعوته مش دي اسمها غفله، طب نتوب من الغفلة... عدم محافظتنا على الصلاة في معادها أو ردي على أبي أو أمي بشكل وحش مش محتاج توبة، تقصيري في شغلي، عدم غضي لبصري وحاجات كتير ربنا أعلم بيها... انهارده هندعي كتير وهنتذلل لله أوي إن يغفر لينا ويتوب علينا... من بكره هيكون في عتقاء من النار ونفسنا نكون من أولهم إن شاء الله...
النبي صلى الله عليه وسلم وهو من غفر الله له ما تفدم من ذنيه وما تأخر كان يستغفر في اليوم الواحد أكثر من مائة مرة

(والله إني لأستغفر الله وأتوب إليه في اليوم أكثير من سبعين مرة) (يا أيها الناس توبوا إلى الله واستغفروه فإني أتوب في اليوم مائة مرة)

طب أنا مؤمن ومش حاسس إني عملت حاجة غلط، توب برده

((وتوبوا إلى الله جميعا أيها المؤمنون لعلكم ترحمون)) ((استغفروا ربكم ثم توبوا إليه))



طب في معاد معين أستغفر وأتوب فيه؟

أي معاد، تعالى نسمع الحديث ده:

(إن الله عز وجل يبسط يده بالليل ، ليتوب مسيء النهار . ويبسط يده بالنهار ، ليتوب مسيء الليل .. حتى تطلع الشمس من مغربها)

يعني الله سبحانه وتعالى ينتظرنا في كل وقت...

طب أنا عملت حاجات وحشة أوي ومش حاسس إن ربنا هيغفرلي؟ أبدا والله ده ربنا بيغفر كل الذنوب

((قل يا عبادي الذين أسرفوا على أنفسهم لا تقنطوا من رحمة الله إن الله يغفر
الذنوب جميعا إنه هو الغفور الرحيم))

انهارده هنقول كتير

(رب اغفر لي وتب علي إنك أنت التواب الرحيم) أو (أستغفر الله العظيم وأتوب إليه)

بس نحسها وإحنا بنقولها ونستشعر رحمة ربنا علينا إن شاء الله وما يكنش عندنا شك إنه هيقبلنا

(أنا عند ظن عبدي بي)

اللهم بلغنا رمضان واكتب لنا فيه عتقا من النار
__._,_.___

خواطر رمضانية Card-eid4
الرجوع الى أعلى الصفحة اذهب الى الأسفل
 
خواطر رمضانية
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الدنديطي للابد :: الاقسام العامة :: القسم الاسلامى-
انتقل الى: